La 25-an de oktobro 2008 Lorena Esperanto-Klubo okazigis plian lernekskurson, kadre de sia motiviga projekto "Subĉiela Leciono".

Ĉi-foje la promenantoj vizitis bieneton kaj domon, kie kaskiĝis la fama brazila verkisto Monteiro Lobato - "Bieneton de la Flava Pego", en la urbo Taubaté, ŝtato San-Paŭlo. Partoprenis dek unu gesamideanoj el urboj Lorena, Guaratinguetá, Jambeiro kaj eĉ el la fora nordorienta urbo Fortaleza.

En bela vetero, la grupo legis biografieton de Monteiro Lobato kaj praktikis dialogon pri la teksto. Poste oni lernis la nomojn de pluraj birdoj en Esperanto. Sekvis promeno tra la bela bieneto kaj vizito al la domo, kiu funkcias kiel muzeo.

Oni fotis la grupon kaj multaj turistoj atentis pri la uzado de Esperanto kaj pri la verda flago. Post la promenleciono la grupeto lunĉis en agrabla restoracio, en Taubaté.

Oni planas okazigi proksiman "Subĉielan Lecionon" en Lorena, komence de 2009, ĉe "Bieneto de Floroj".